Prokurori i Kukësit, Edmond Karriqi dhe shoferi i tij, Isuf Gega, janë lënë në burg nga Gjykata e Posaçme e Apelit. Ata u arrestuan me urdhër të SPAK me 30 qershor në qendër të Kavajës me akuzën e korrupsionit.
Sipas SPAK, Karriqi u vu në pranga pasi në këmbim të 2 mijë eurove ndryshoi masën e sigurisë për një person që e ka pasur nën hetim, për drogë.
Dyshohet se ai ka marrë përfitime monetare për të favorizuar persona nën hetim, të cilët kanë qenë duke u hetuar pranë Prokurorisë së Shkallës së parë Kukës.
Mes çështjeve që ka hetuar Karriqi, është edhe ajo e këngëtares Fjolla Morina, që u kap me armë në pikën kufitare të Morinës.
Në vitin 2019, Karriqi u emërua nga Këshilli i Lartë i Prokurorisë drejtues i përkohshëm i Prokurorisë së Kukësit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.