.png)
Gazeta Si - Prokurorët federalë amerikanë kanë hapur një çështje të re penale kundër Hunter Biden, djalit të presidentit amerikan Joe Biden, duke paraqitur nëntë akuza të reja për krime tatimore.
Ky është rasti i dytë ndaj djalit të presidentit amerikan, i cili tashmë rrezikon 17 vite burg.
Në javët e fundit, prokurori special David Ëeiss ka përdorur një juri të madhe federale në Los Anxhelos për të mbledhur dëshmi dhe prova.
Hunter Biden tashmë po përballet me akuza penale në Delaëare në lidhje me blerjen e një arme, pasi gënjeu për varësinë e tij nga droga.
“Miliona të shpenzuara për jetesë ekstravagante në vend që të paguante taksa”, - thuhet në aktakuzës,
Hunter Biden “ishte i përfshirë në një skemë mashtruese katërvjeçare për të shmangur pagesën e afro 1.4 milionë dollarëve në taksat federale të borxhit për vitet tatimore 2016-2019 dhe nga janari 2017, deri në 2020-ën dhe shmangu vlerësimin tatimor për vitin tatimor 2018”.
Prokurori akuzon gjithashtu djalin e presidentit se "ka shpenzuar miliona dollarë për një mënyrë jetese ekstravagante në vend që të paguajë taksa".
Akuzat e reja mbërrijnë pak orë pas vendimit të republikanëve të Dhomës për të sjellë propozimin për të hapur zyrtarisht një hetim për shkarkimin e mundshëm të presidentit Joe Biden, i dyshuar për ndërhyrje në punët e biznesit të djalit të tij.
Hunter tani akuzohet se ka shmangur taksat për katër vjet dhe jo vetëm dy, siç doli në hetimin e parë dhe se nuk kishte paguar 1.4 milionë dollarë taksa të detyruara midis 2016 dhe 2019.
Në hetimin e parë, ai u akuzua se kundërshtoi për të paguar njëqind mijë dollarë për dy vjet.
Për më tepër, në vitin 2018, djali i Joe Biden paraqiti një sërë informacionesh të rreme për të marrë një ulje të të ardhurave të tij të tatueshme dhe për të paguar më pak taksa.
Kryetari Mike Johnson ka deklaruar se plani është që Dhoma e Përfaqësuesve të votojë për të autorizuar hetimin javën e ardhshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
