.png)
Nga Gazeta ‘Si’- Ekonomia e Europës është hasur me një tjetër pengesë pasi aktiviteti i biznesit ra me një ritëm më të lartë se sa pritej këtë muaj, sipas një sondazhi të ndjekur nga afër.
Ekzekutivët shtuan frikën e një rënieje të afërt duke raportuar rënien e porosive të reja dhe shkurtimet e vendeve të punës.
S&P tha se sondazhi i saj për menaxherët e blerjeve sinjalizoi rënien më të shpejtë të aktivitetit të biznesit që nga goditja e pandemisë në vitin 2020.
Ekonomia e eurozonës u tkurr 0.1% në tremujorin e fundit sipas të dhënave zyrtare dhe Indeksi (PMI) - i parë si një matës i mirë i shëndetit ekonomik - tani ka rënë në çdo muaj të këtij tremujori.
Megjithatë, kompanitë thanë se çmimet e tyre të shitjes u rritën ende me një ritëm më të shpejtë, duke treguar inflacionin e vazhdueshëm.
Indeksi i përbërë i menaxherëve të blerjeve në eurozonë HCOB flash ra në nivelin më të ulët dy mujor prej 47, nga 47.6 një muaj më parë. Rezultati ishte më i ulët se parashikimi i ekonomistëve prej 48 sipas një sondazhi të mëparshëm nga Reuters.
"Shifrat paraqesin një pamje dëshpëruese pasi ekonomia e zonës së euros dështon të shfaqë ndonjë shenjë të dallueshme të rimëkëmbjes. Përkundrazi, është kontraktuar për gjashtë muaj rresht," tha Cyrus de la Rubia, kryeekonomist në Hamburg Commercial Bank.
"Mundësia që eurozona të jetë në recesion që nga tremujori i tretë mbetet dukshëm e lartë".
Burimi: Financial Times/Përshtati Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
