.png)
Aktivistja iraniane, Narges Mohammadi fitoi sot çmimin Nobel për Paqen.
Aktivistja iraniane për të drejtat e njeriut, Narges Mohammadi, aktualisht ndodhet në një burg në Republikën Islamike, ku gratë e pambuluara po nxisin emancipimin, pavarësisht represionit.
”Aktivistja dhe gazetarja 51-vjeçare po shpërblehet për luftën e saj kundër shtypjes së grave në Iran dhe luftën e saj për të promovuar të drejtat e njeriut dhe lirinë për të gjithë”, tha presidentja e komitetit norvegjez të Nobelit, Berit Reiss-Andersen, në Oslo.
”Kur në Iran shpërthyen protestat për barazinë e grave vitin e kaluar, nga burgu ajo shprehu mbështetje për demonstruesit”, tha Berit Reiss-Andersen.
”Mohammadi është një grua, një avokate e të drejtave të njeriut dhe një luftëtare lirie”, shtoi ajo.
”Komiteti Norvegjez i Nobelit nderon luftën e saj të guximshme për të drejtat e njeriut”, theksoi presidentja.
”Ky çmim është vlerësim edhe për qindra mijëra njerëz që kanë demonstruar kundër regjimit iranian”, tha Reiss-Andersen.
Komiteti i Nobelit tha se shpresonte që Irani të lironte Narges Mohammadin.
Ndërkohë, OKB tha se ”çmimi Nobel për Paqe nderon guximin dhe vendosmërinë e grave iraniane”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
