Nga Gazeta Si - Pas lajmit se Gjykata Penale Europiane ka lëshuar sot një urdhër-arresti ndaj presidentit rus Vladimir Putin për krime lufte në Ukrainë, ka reaguar Kremlini.
Zëdhënësi Dmitry Peskov e quajti urdhër-arrestin, një akt të egër dhe të papranueshëm, ndërsa shtoi se Rusia nuk e njeh juridiksionin e Gjykatës Ndërkombëtare Penale.
“Çdo vendim i gjykatës ishte i pavlefshëm në lidhje me Rusinë”, tha zoti Peskov.
Ndërsa në lidhje me pyetjen nëse Putin kishte frikë të udhëtonte tashmë në vende që e njohin juridiksionin e Gjykatës së Hagës, Peskov zgjodhi të mos japë detaje.
“Nuk kam asgjë për të shtuar për këtë temë. Kjo është gjithçka që duam të themi”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.