.png)
Sot operacioni "Plazh i lirë" ka vijuar në zonën e Himarës për lirimin e plazheve publike. Policia njofton se janë liruar rreth 1000 m2 plazh publik në Himarë, i zënë në mënyrë të paligjshme. Në këto kontrolle janë sekuestruar rreth 200 kompleteve shezlongë e çadra.
Për këto shkelje janë proceduar penalisht nga Policia e Himarës 3 shtetas, pronarë të subjekteve për veprat penale "Fshehja e të ardhurave" dhe "Pushtimi i tokës".
Konkretisht në bizneset e shtetasve A.L., N.V., dhe A.D., pasi është bërë kontrolli është konstatuar se e zhvillonin aktivitetet e tyre tregtare në mënyrë të paligjshme.
Edhe në plazhet e Durrësit ka pasur kontrolle sot, ku janë liruar rreth 1000 m2 plazh. Në Durrës policia bashkë me organet tatimore kanë sekuestruar rreth 270 komplete shezlongë e çadra.
Në Durrës, për veprat penale “Pushtimi i tokës ” dhe “Fshehja e të ardhurave“ janë proceduar penalisht shtetasit D.D. e SH.P..
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
