.png)
Bashkia e Kamzës ka reaguar në lidhje me aksidentin tragjik që ndodhi dje në orët e para të mëngjesit, ku humbën jetën 2 persona dhe u plagosën 2 të tjerë. Shoferja Rozina Koleci humbi kontrollin, duke u përplasur me një biçiklist dhe tre këmbësorë.
Për pasojë humbi jetën biçiklisti 29-vjeçar, Ramazan Isha, si dhe një vajzë 7-vjeçare. Ndërkohë që nëna dhe motra e kësaj të fundit mbetën të plagosura dhe janë në gjendje të rëndë në spital.
Bashkia e Kamzës pasi u ka shprehur ngushëllimet familjarëve e ka quajtur “raportim e informim dashakeq nga Policia e Shtetit” atë që ndodhi me aksidentin e rëndë. Sipas Bashkisë, ngjarja nuk ka ndodhur në territorin e Kamzës, por në atë të Tiranës, pasi sqaron se territori i Bashkisë Kamzë kufizohet me Bashkinë e Tiranës te rrethrrotullimi i Universitetit Bujqësor të Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
