.png)
Një aksident me pasojë vdekjen e një personi ka ndodhur mbrëmjen e sotme në Sarandë. Viktima e këtij aksidenti është drejtuesi i mjetit, Klement Kristidhi, 30 vjeç, nga fshati Mursi në Bashkinë e Konispolit.
Nga informacionet paraprake mësohet se aksidenti ka ndodhur në vendin e quajtur Krane. Në këtë aksident kanë mbetur të plagosur edhe tre personat e tjerë që ishin në makinë me Kristidhin. Ata janë dërguar menjëherë në spital dhe po marrin trajtimin e nevojshëm mjekësor.
Makina e të rinjve ka dalë nga rruga dhe ka bërë disa rrutullime. Në vendngjarje ka shkuar policia, që po punon për zbardhjen e rrethanave të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
