.png)
Ndikimi i të famshmëve në kulturë është i pamohueshëm, por a do t'i besonin njerëzit një ylli të pop-it që t'i japë këshilla për shëndetin mendor?
Së fundmi, reperja Megan Thee Stallion ka hapur një qendër për këdo që dëshiron të kryejë seanca me terapistë falas.
Këngëtari kolumbian J Balvin's ka hapur një aplikacion të quajtur Oye ku të gjithë mund të flasin për problemet e tyre mendore. Është edhe Wondermind e Selena Gomez, një platformë falas e shëndetit mendor.
Të famshëm të tjerë, përfshirë Justin Bieber, Ariana Grande, Demi Lovato, Michael Phelps dhe Harry Styles kanë bashkëpunuar me aplikacione të shëndetit mendor si BetterHelp, Talkspace ose Calm.
“Duket sikur është një trend, por nuk mendoj se kjo është domosdoshmërish një gjë e keqe”, tha Amanda J. Calhoun, pedagoge në Universitetin e Yale.
“Ka pasur gjithmonë personazhe të famshëm dhe personazhe publike që kanë mbështetur përpjekjet për të folur për shëndetin mendor, që nga Princesha Diana në vitet ’90 kur tha se vuan nga bulimia dhe madje u quajt edhe “efekti Diana” sepse njerëzit filluan të kërkonin ndihmë për çrregullimet e të ngrënit pas kësaj.
“Tani ka më shumë hapësirë dhe pikëpamje pozitive për shëndetin mendor duke qenë se gjithnjë e më shumë njerëz po flasin publikisht për këtë.
“Të famshmit që kanë folur për shëndetin mendor haptas kanë ndihmuar për destigmatizimin e çështjes”, thotë Calhoun.
Gati 1 miliard njerëz në mbarë botën përjetojnë një çrregullim mendor, por vetëm një pjesë e tyre marrin trajtimin që u nevojitet, sipas Organizatës Botërore të Shëndetësisë.
“Pas pandemisë, ankthi, depresioni dhe ndjenja të tjera janë bërë shumë të zakonshme”,tha J Balvin në një njoftim për shtyp.
“Unë vetë i kam përjetuar ato dhe kam mësuar se përmes meditimit, lëvizjes dhe aktivitetit, është e mundur të ndihesh më mirë dhe të bëhesh sërish kreativ. OYE është një aplikacion që synon mirëqenien e njerëzve, ka thënë J Balvin.
Çfarë mendojnë ekspertët për shërbimet e shëndetit mendor të të famshmëve?
“Përdorimi i platformave nga të famshëm për të mbrojtur shëndetin mendor është përgjithësisht pozitiv”, tha Breigh Jones-Coplin, pedagoge në Universitetin e Denverit.
"Ata kanë një ndikim që padyshim shumë profesionistë të shëndetit mendor nuk e kanë", shtoi ajo.
“Sigurisht, kjo vjen me shumë pro dhe kundër. Të kesh ndikimin është një (pro), por gjithashtu të sigurohesh që ta përdorësh atë fuqi për mirë për të marrë informacion të saktë dhe të dobishëm është gjithashtu shumë e rëndësishme.
Jones-Coplin ka përdorur disa nga burimet në faqen e Megan Thee Stallion me klientët e saj dhe në mësimdhënien e saj. "Unë mendoj se ato janë shumë të besueshme", tha ajo.
"Njerëzit thjesht nuk dinë se ku të fillojnë dhe kjo është ajo që i bën këto platforma vërtet të dobishme".
Barrierat janë përkeqësuar për njerëzit me ngjyrë, të cilët kishin 28% deri në 60% më pak gjasa për të marrë trajtim të shëndetit mendor sesa njerëzit e bardhë në vitin 2020, sipas Institutit Kombëtar të Shëndetit Mendor. Platformat e Megan Thee Stallion dhe J Balvin kërkojnë të trajtojnë këtë problem. Përveç burimeve të përgjithshme të shëndetit mendor dhe krizave, faqja e parë liston drejtoritë e terapistëve dhe linjat e shpëtimit të përshtatura për njerëzit e racave ose etnive të ndryshme, gjinisë ose identiteteve seksuale të ndryshme, të tilla si Therapy for Black Men, StrongHearts Native Helpline dhe Trans Lifeline.
Veçoritë e Oye përfshijnë një mjet kontrolli emocional për të ndihmuar përdoruesit të emërtojnë ndjenjat për përpunimin e emocioneve përmes krijimtarisë. wondermind i Gomez është i ngjashëm.
Pavarësisht përfitimeve të mundshme të këtyre platformave, Jones-Coplin dhe Calhoun thonë se njerëzit duhet të kenë kujdes kur kanë nevojë për trajtim serioz.
"Nuk duhet të zëvendësojnë një platformë me një spital. Sado ndihmuese të jetë, një platformë është një platformë dhe sigurisht që nuk të shëron në rastet kur problemet e shëndetit mendor janë serioze dhe të mëdha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
