A janë disa fëmijë të predispozuar gjenetikisht të flenë keq?

Krijimi i zakoneve të shëndetshme para gjumit për fëmijën që herët është jetik, nëse të paktën një prind ka vështirësi kronike të gjumit, sugjeron një studim i ri mbi gjenetikën dhe çrregullimet e gjumit të fëmijëve.

Një predispozitë gjenetike për problemet e gjumit si pagjumësia është gjetur vazhdimisht në studimet e të rriturve, duke i lënë shkencëtarët të pyesin nëse i njëjti fenomen ndodh tek fëmijët.

“Po”, thonë ekspertët pas studimit të parë që ofron prova se ndjeshmëria gjenetike për një "gjumë të dobët" mund të gjendet gjithashtu herët në jetë.

Sipas studimit të botuar në Journal of Child Psychology and Psychiatry, fëmijët e predispozuar gjenetikisht për pagjumësi kishin më shumë probleme të gjumit të lidhura me pagjumësinë, të tilla si vështirësia për të fjetur ose zgjimi i shpeshtë gjatë natës.

Gjetjet mund të jenë “të habitshme për shumicën e njerëzve”, tha autori Eus van Someren, kreu i Institutit Hollandez për Neuroshkencën.

“Ne priremi të mendojmë se pagjumësia zhvillohet më vonë në jetë, por këtu tregojmë qartë se shenjat më të hershme të rrezikut të pagjumësisë në moshën madhore janë të pranishme që në fëmijërinë e hershme”.

Vlerësimi i pagjumësisë tek fëmijët

Autorët studiuan 2,458 fëmijë europianë, rreth gjysma e të cilëve ishin vajza, të përfshirë në studimin e Gjeneratës R, i cili rekrutoi gra shtatzëna me një datë të caktuar midis 2002 dhe 2006, në mënyrë që shëndeti i fëmijëve të tyre të mund të matej që në fillim të jetës deri në moshën madhore.

Kur fëmijët ishin të moshës 1, 3, 6 dhe midis 10 dhe 15 vjeç, nënat e tyre ndanë detaje mbi shëndetin e tyre të gjumit, si për shembull nëse kishin probleme për të fjetur, flinin më pak se shumica e fëmijëve ose zgjoheshin shpesh gjatë natës.

Autorët zbuluan se një predispozitë gjenetike për zhvillimin e pagjumësisë tek fëmijët ishte e lidhur me simptoma të ngjashme me pagjumësinë e raportuar nga nënat e tyre.

Nevojiten më shumë studime për të identifikuar proceset që qëndrojnë në themel të gjetjeve, "krahas predispozicionit gjenetik për tipare të tjera të sjelljes dhe psikiatrike", tha autorja e studimit Dr. Desana Kocevska, shkencëtare.

Por meqenëse “rezultatet e studimit tonë mund të tregojnë se fëmijët e prindërve që flenë dobët mund të jenë veçanërisht të prekshëm nga problemet e gjumit dhe praktikat e një gjumi të mirë që në moshë të re mund të jenë veçanërisht të rëndësishme për këtë grup”.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.