.png)
Vaksinat e para të Covid-19 janë gati, por vaksinat e fëmijëve janë ende në eksperiment e sipër. Vaksinat që janë të sigurta për të rriturit mund të mos jenë të sigurta për fëmijët dhe provat pediatrike nga kompanitë Pfizer dhe Moderna sapo kanë filluar.
Sidoqoftë, grupet e mësuesve dhe ekspertët mjekësorë thonë se fëmijët nuk kanë nevojë të vaksinohen kundër koronavirusit që shkollat të rihapen dhe të jenë të sigurta.
“Nuk është aspak shqetësues fakti që fëmijët nuk jnë të vaksinuar për të hapur shkollat,” tha Colin Sharkey, drejtori ekzekutiv i Shoqatës së Edukatorëve Amerikanë.
Për pjesën më të madhe, kjo është një analizë e drejtpërdrejtë shkencore. Fëmijët e vegjël nuk paraqesin rrezik të lartë të infektimit dhe shumë rrallë përjetojnë simptoma të rënda të koronavirusit.
Gjithashtu, mendohet edhe fakti që mësuesit dhe edukatorët do jenë ndër të parët që do të vaksinohen. Madje edhe para se të vaksinohen mësuesit, organizatat dhe ekspertët e shëndetit publik thonë se shkollat fillore mund të rihapen për sa kohë që do të ndjekin protokollet për testimin, do të jenë të pajisur me mjetet mbrojtëse dhe kujdesen për distancën fizike dhe ventilimin.
“Ju mund të rihapni shkollat fillore para se të keni vaksinën për mësuesit, pavarësisht se vaksina do të krijojë më shumë siguri,” tha Randi Weingarten, presidenti i Federatës Amerikane të Mësuesve.
Burimi: The Wall Street Journal/ Përktheu: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje