Një lajm që me shumë mundësi do i gëzojë të gjithë fansat e garave të Formula 1, por më veçanërisht ata të Ferrarit. Shumë shpejt mund të shikojmë në garat me makinat e shpejta, një pilot me mbiemrin Shumaker. Bëhet fjalë për djalin e legjendës Majlkëll Shumaker, 19-vjeçarin, Mik Shumaker. Lajmi i bujshëm i publikuar pasditen e kësaj të hënë ka të bëjë me djalin e Shumaker, i cili është përzgjedhur për t’u provuar për në akademinë e makinave të Ferrarit.
Mik Schumacher mund të marrë një mundësi të papritur testimi në vitin 2019 me Ferrarin. Sipas Motorsport.it, Mik Shumaker pritet të nënshkruajë me Akademinë e Ferrarit shumë shpejt dhe kjo gjë i hap derën mundësinë që vitin e ardhshëm ai të testohet për të pilotuar një makinë të Formula 1. Megjithëse ende nuk ka asgjë zyrtare, detajet thuhet se do të finalizohen së shpejti, duke e bërë Shumaker Jr një anëtar të akademisë së Ferrarit. 19-vjeçari gjithashtu mund të marrë pjesë gjatë testimeve të makinave në Bahrein dhe Barcelonë.
Mik Shumaker aktualisht është kampioni europian i Formula 3 dhe këtë sezon do ta bëjë debutimin e tij Formula 2 me makinën “PREMA Powerteam”. Në bazë të paraqitjeve në këtë kategori do të vendoset nëse Mik do të ecë në gjurmët e babait të tij dhe të pilotojë edhe në kategorinë Formula 1. Sakaq mediet italiane shkruajnë se afrimi i Mik Shumaker në akademi, mund të spostojë dy pilotët e tjerë testues aktual te Ferrari, Markus Armstrong dhe Kallum Illot.
Për të gjithë tifozët e Formula 1 dhe skuderisë italiane Ferrari ky është një tjetër lajm i mirë, pasi atij të para disa ditëve, ku mediet botërore shkruan se shëndeti i Majkëll Shumakër ka ardhur ndjeshëm duke u përmirësuar. Tashmë besohet se Shumaker është futur në fazën finale të rehabilitimit dhe mund të lëvizë me këmbët e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
