.png)
Presidenti amerikan Donald Trump ka refuzuar propozimin e Iranit për një armëpushim 7-ditor. Sipas “Wall Street Journal”, Trump u ka thënë bashkëpunëtorëve të tij se pret që sulmet ndaj Iranit të rifillojnë pas zgjedhjeve të mesmandatit në nëntor.
Irani kishte propozuar ndalimin e luftimeve për shtatë ditë dhe rihapjen e Ngushticës së Hormuzit, një zonë shumë e rëndësishme për transportin e naftës dhe gazit.
Në këmbim, Teherani kërkonte që SHBA-ja të hiqte bllokadën detare ndaj porteve iraniane, të lehtësonte sanksionet ndaj eksporteve të naftës dhe të zhbllokonte disa prej pasurive iraniane të ngrira.
Plani parashikonte gjithashtu që pas armëpushimit të nisnin bisedimet mes SHBA-së dhe Iranit për programin bërthamor të Teheranit.
Ministri i Jashtëm iranian, Abbas Araghchi, tha në Kombet e Bashkuara se marrëveshja mund të zbatohej menjëherë nëse SHBA-ja do ta pranonte.
Edhe presidenti iranian, Masoud Pezeshkian, deklaroi se Irani ishte gati ta zbatonte planin nëse ai pranohej nga pala amerikane.
Megjithatë, sipas “Wall Street Journal”, Trump nuk beson se Irani do të pranojë kërkesat amerikane për programin bërthamor. Administrata amerikane ka bërë të ditur gjithashtu se nuk planifikon të heqë bllokadën detare ndaj Iranit.
Ndërkohë, bisedimet mes dy vendeve kanë vijuar edhe në kuadër të Asamblesë së Përgjithshme të Kombeve të Bashkuara. Sekretari amerikan i Shtetit, Marco Rubio, tha se një takim mes zyrtarëve amerikanë dhe iranianë, i zhvilluar me ndërmjetësimin e Katarit, nuk solli ndonjë përparim të rëndësishëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje