.png)
Gazeta Si – Dy javë pasi gjykata e la të lirë me masën “detyrim paraqitje”, pasi kishte vjedhur 5 mijë euro në një pikë këmbimi valutor në ditën e parë të punës, Kumrie Zika e ka përsëritur të njëjtin krim në Vlorë.
Në të njëjtat rrethana, pronarët e pikës së këmbimit valutor në qendër të qytetit të Vlorës, pretendojnë se Zika brenda 15 minutave të para të punës mori rreth 5 mijë euro nga kasa dhe u largua pa u kthyer më.
Sipas denoncimit të pronarit, pas marrjes së shumës së parave, punonjësja nuk është bërë më e gjallë dhe nuk ka dhënë shpjegime për situatën.
Për rastin, pronari ka bërë kallëzim në Policinë e Vlorës, ndërsa pritet që rrethanat e ngjarjes të verifikohen nga autoritetet.
Pronari i Exchange-it i bën thirrje punonjëses që të kthejë shumën e parave, me qëllim që situata të zgjidhet pa pasoja të mëtejshme.
Kjo nuk është hera e parë që Kumrrie Zika kryen vjedhje, pasi ajo është kthyer në një problem për bizneset.
Rasti më i fundit ishte po ashtu te një biznes i transfertave të parave dhe këmbimit valutor në zonën e quajtur si “Vorri i Bomit”.
Gjatë ditës së parë të punës Zika ka qenë gjithë kohës e shoqëruar nga punonjësi tjetër, por vetëm në një moment prej pak sekondash shkëputje të tij, ajo ka përfituar për të marrë afro 5 mijë euro në arkën e biznesit dhe për të humbur në rrugicat e lagjes me shpejtësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje