.png)
Studiuesit që ribënë një studim të rëndësishëm mbi fungicidet (agjentë kimikë ose biologjikë që përdoren për të kontrolluar shkaqet e sëmundjeve kërpudhore të bimëve) mbi neurotoksicitetin kanë dalë në gjetje dukshëm të ndryshme dhe aktivistët argumentojnë se pesticidi fluanzinam tani duhet të tërhiqet nga tregu.
Në vitin 2005, një studim i kryer nga Huntingdon Life Sciences, prodhuesit e fluazinamit, mbi zhvillimin e neurotoksicitetit të fluazinamit tek minjtë shtatzënë arriti në përfundimin se nuk kishte efekte statistikisht të rëndësishme në lidhje me zhvillimin e trurit tek pasardhësit e minjve.
Në vitin 2008, pas një vlerësimi të sigurisë, pesticidit fluazinam iu dha miratimi në BE. Fluazinam është një fungicid Pfas që përdoret për të kontrolluar patogjenë të ndryshëm kërpudhorë të tokës në patate dhe mollë. Në vitin 2024, 340 ton të tij u shitën vetëm në Gjermani.
Studimi i vitit 2005, siç zbuloi më parë Guardian, nuk u paraqit si pjesë e provave për vendimin e miratimit, por u përdor në diskutimin pasues.
Në një studim të ri, i cili ende nuk është rishikuar nga kolegët, duke përdorur të njëjtat metoda statistikore, studiuesit e Universitetit të Stokholmit kanë arritur në një përfundim të ndryshëm, duke gjetur gjashtë raste ku ekspozimi ndaj pesticidit çoi në ndikime statistikisht të rëndësishme në zhvillimin e trurit.
Veçanërisht, ata zbuluan se ekspozimi ndaj pesticidit çoi në ulje të peshës dhe gjerësisë së trurit tek pasardhësit e minjve.
“Sipas mendimit tonë, duke marrë parasysh pasojat potencialisht të përjetshme të deficiteve të zhvillimit të trurit, një efekt i një kimikati në peshën, gjerësinë dhe morfometrinë e trurit kualifikohet si i rëndë,” shkruajnë autorët.
Studiuesit i thanë Guardian se është e pamundur të arrihen saktë rezultatet në raportin e vitit 2005 bazuar në të dhënat e papërpunuara dhe duke përdorur metodat e specifikuara në raport.
“Nxjerrja e përfundimeve nga rezultatet është një çështje më e ndërlikuar dhe më pak e drejtpërdrejtë. Do të thoshim se përfundimet në raportin e vitit 2005 (veçanërisht ato që lidhen me trurin tek pasardhësit e rritur) janë krejtësisht të paarsyeshme dhe nuk mbështeten nga rezultatet që duhet të ishin raportuar.”
Duke pasur parasysh efektet e pesticidit në zhvillimin e trurit, autorët e studimit shkruajnë se nuk është e mundur të përcaktohet një nivel i sigurt ekspozimi dhe për këtë arsye ata thonë se nuk duhej të ishte miratuar për përdorim në vitin 2008.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje