.png)
Ushtria amerikane ka kryer sulme ajrore ndaj objektivave iraniane, pasi presidenti Donald Trump akuzoi Iranin për shkelje të armëpushimit pas një sulmi me dron ndaj një anijeje mallrash në Ngushticën e Hormuzit.
Komanda Qendrore e SHBA (CENTCOM) njoftoi se goditi depo raketash dhe dronësh, si edhe pozicione radarësh bregdetarë, duke e cilësuar operacionin si përgjigje ndaj sulmit të një dite më parë.
Nga ana tjetër, Irani pretendon se anija kishte kaluar në një rrugë të paautorizuar dhe akuzoi SHBA-në për shkelje të marrëveshjes së armëpushimit. Garda Revolucionare iraniane tha se iu përgjigj sulmeve duke goditur pozicione ushtarake amerikane në rajon dhe paralajmëroi se çdo sulm i ri do të përballet me një reagim më të ashpër.
Pas përshkallëzimit të situatës, zëvendëspresidenti amerikan JD Vance deklaroi se mosmarrëveshjet duhet të zgjidhen përmes negociatave, por paralajmëroi se “dhuna do të përballet me dhunë”.
Ngushtica e Hormuzit mbetet një nga rrugët më të rëndësishme për transportin e naftës dhe gazit në botë, ndërsa tensionet e fundit kanë rritur shqetësimet për tregjet ndërkombëtare dhe lirinë e lundrimit./BBC
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje