.png)
Gazeta Si – Një imazh i kapur nga misioni “Copernicus Sentinel-3” dhe i publikuar nga ESA, tregon qartë valën intensive të nxehtësisë që ka prekur Evropën prej ditësh.
Ngjyrat në hartë variojnë nga vjollca në të kuqe të thellë – që tregojnë temperatura sipërfaqësore deri në 55°C, të vëzhguara në pjesë të Spanjës qendrore, Francës perëndimore dhe Afrikës së Veriut – deri në blu të çelët, që përfaqësojnë temperatura më të ftohta sipërfaqësore në rajonet malore. Disa zona ishin të mbuluara me re, duke u shfaqur me të bardhë.
Sateliti regjistroi temperatura sipërfaqësore prej 48°C në Madrid, 44°C në Romë dhe 46°C si në Poitiers, Francë, ashtu edhe në Zaragoza, Spanjë.
Temperaturat e sipërfaqes së tokës në Afrikën e Veriut janë dukshëm më të larta, duke arritur në 49°C në Tunis, kryeqyteti i Tunizisë.
Siç shpjegon ESA në faqen e saj të internetit, për shkak se sipërfaqe të tilla si shkëmbi, rëra dhe asfalti ruajnë nxehtësinë, temperaturat e sipërfaqes së tokës janë dukshëm më të larta se temperaturat e ajrit.
Ky fenomen anormal vepron si një “kupolë me presion të lartë” e bllokuar midis sistemeve me presion të ulët, megjithëse nuk është e lidhur drejtpërdrejt me fenomenin e ashtuquajtur El Niño.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje