.png)
Nga Gazeta ‘Si’- Mëngjesin e kësaj të mërkure, kyeministri Edi Rama zhvilloi një takim 60 minutësh me drejtuesit politikë në qarqe dhe ministrat e kabinetit qeveritar, në selinë e Partisë Socialiste.
Mësohet se Rama u ka kërkuar socialistëve që bashkë me deputetët të jenë sa më aktivë në terren, për të dëgjuar problematikat e qytetarëve. Madje, zyra e deputetëve, ka cituar ai, duhet të jetë gjithnjë e hapur për t’i pritur.
Ndërsa lidhur me protestat qytetare të zhvilluara për 24 ditë radhazi në Tiranë, mësohet se Rama ka thënë që ndodhet në një luftë digjitale.
Pas mbledhjes, Rama u pa i shoqëruar me kreun e Grupit Parlamentar të PS, Taulant Balla me të cilit pati një komunikim të shkurtër përpara se të largohej me makinë.
Pas mbledhjes me drejtuesit politik, Rama do të takohet edhe me kryebashkiakët. Takimi do të mbahet tek ish-hoteli “Dajti” në Tiranë.
Takimi zhvillohet në një moment të rëndësishëm politik, ndërsa protestat qytetare kundër qeverisë vijojnë prej më shumë se tre javësh.
Protestuesit kanë kërkuar vazhdimisht dorëheqjen e kryeministrit Rama dhe largimin e qeverisë, kërkesa që janë hedhur poshtë nga kreu i qeverisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje