.png)
Gazeta Si – Një 44-vjeçar në Tiranë është arrestuar, pasi dyshohej se do të furnizonte dhe do shpërndante lëndë narkotike, të llojit kokainë, në zona të ndryshme të kryeqytetit.
Policia thotë se në pranga ra S.K., 44-vjeç, banues në Vorë, të cilit gjatë kontrollit fizik, iu gjetën dhe sekuestruan dy pako me lëndë të dyshuar narkotike kokainë, me peshë totale rreth 1 kg e 680 gramë.
Policia njofton se nga hetimet paraprake dyshohet se i arrestuari siguronte lëndë narkotike për persona të tjerë, me qëllim shpërndarjen në doza, si dhe një pjesë të saj e shpërndante vetë.
“Në vijim të punës hetimore dhe kontrolleve të bazuara në inteligjencën policore, gjatë fazave të mëparshme të operacionit “Zonat”, të zhvilluar gjatë muajve maj dhe qershor, janë sekuestruar rreth 1.5 kilogramë kokainë dhe 1.1 kilogramë heroinë”, – njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje