.png)
Gazeta Si – Roja i bankës së nivelit të dytë që u grabit një ditë më parë në Tiranë, u arrestua nga policia, pasi akuzohet se nuk ka vepruar në momentin e ngjarjes për të neutralizuar autorin.
Në pranga ka rënë F.Ç., 60 vjeç, punonjës i një shoqërie private të sigurisë fizike, i ngarkuar për ruajtjen e bankës.
Nga veprimet hetimore të deritanishme, dyshohet se 60-vjeçari është larguar përkohësisht gjatë orarit të shërbimit dhe nuk ka marrë masat e nevojshme për sigurimin e ambienteve të brendshme të bankës.
Sipas burimeve paraprake, paratë iu morën një qytetareje, e cila kishte shkuar për t’i depozituar në bankë. Dyshohet se shuma e parave të grabitura ka qenë 10 mijë paund britanikë.
Ende nuk ka asnjë gjurmë të autorit, i cili u largua me motor, ndërsa dyshohet se grabitjen e kreu duke mbajtur në dorë një pistoletë lodër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje