.png)
Gazeta Si – Forcat e sigurisë izraelite dhe ruse janë shtuar në listën e zezë të OKB-së për dhunë të dyshuar seksuale në zonat e konfliktit, veçanërisht në lidhje me akuzat për të burgosur, sipas një raporti vjetor të parë nga AFP.
Gushtin e kaluar, Sekretari i Përgjithshëm, António Guterres paralajmëroi Izraelin dhe Rusinë kundër një përfshirjeje të mundshme, por “Kombet e Bashkuara kanë vazhduar të regjistrojnë incidente dhe manifestime të dhunës seksuale” në kontekstin e luftës në Ukrainë dhe territoret e pushtuara palestineze, sipas raportit të tij të ri, i cili së shpejti do t’u dërgohet anëtarëve të Këshillit të Sigurimit.
Izraeli ka njoftuar se ka ndërprerë të gjitha marrëdhëniet me Sekretarin e Përgjithshëm të Kombeve të Bashkuara, Antonio Guterres.
Njoftimi u bë në X nga misioni diplomatik i Izraelit në OKB. “OKB e ka futur Izraelin në listën e zezë për dhunë seksuale në zonat e konfliktit, së bashku me organizatat terroriste më të pamëshirshme në botë: Hamasin dhe ISIS-in. Ky është një vendim politik. Larg fakteve dhe realitetit”, tha ambasadori izraelit në Kombet e Bashkuara, Danny Danon, në një postim në rrjetin social X.
“Duke pasur parasysh që Antonio Guterres ka zgjedhur të shkelë çdo parim të ndershmërisë, integritetit dhe profesionalizmit, Izraeli ka vendosur të ndërpresë të gjitha marrëdhëniet me Zyrën e Sekretarit të Përgjithshëm dhe do të presë emërimin e një Sekretari të ri të Përgjithshëm të OKB-së”, shkroi Ministria e Jashtme izraelite në një deklaratë të publikuar në X.
“Nga ana jonë, dera e Sekretarit të Përgjithshëm të OKB-së mbetet e hapur”, tha zëdhënësi i Antonio Guterres, Stephane Dujarric, duke komentuar fjalët e ambasadorit izraelit Danny Danon.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje