.png)
Nga Gazeta Si- Spitali Bashkiak Mirditë po transformohet në një qendër rajonale të traumës dhe rehabilitimit, një model i ri funksional spitalor për Veriun e Shqipërisë.
Pavioni i ri i Traumës, me fokus trajtimin e ndërhyrjeve të planifikuara traumatologjike dhe rehabilitimin e pacientëve, sipas Ministres së Shëndetësisë, Evis Sala synon të fuqizojë kapacitetet e trajtimit të specializuar në nivel rajonal dhe të krijojë një pol shërbimesh për zonën veriore të vendit.
Duke vlerësuar pozicionin gjeografik të Mirditës, ministrja Sala tha se vënia në funksion e këtij pavioni do të bëjë të mundur ofrimin e trajtimit të specializuar më pranë qytetarëve duke synuar dhe uljen e ngarkesës së spitaleve terciare, veçanërisht të Spitalit Universitar të Traumës.
Sala tha se do të vlerësohen edhe spitale të tjera nga ana gjeografike dhe e kapaciteteve për të krijuar një model të ngjashëm në zona të tjera të Shqipërisë.
Projekti parashikon ngritjen dhe fuqizimin e shërbimeve të ortopedisë, fizioterapisë dhe rehabilitimit, zgjerimin e kapaciteteve kirurgjikale dhe anestezi-reanimacionit, si dhe mbështetje me telemjekësi për imazherinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje