.png)
Gazeta Si – Elez Hysa, 22 vjeç, është arrestuar si një prej autorëve të dyshuar të grabitjes me armë së ndodhur në Kamëz më 16 maj në një argjendari.
Sipas policisë, i riu është me banim në Krujë, ndërsa bashkëpunëtori i tij është ende në kërkim për ngjarjen.
Gjithashtu, policia thotë se janë sekuestruar disa sende të paligjshme, të vlefshme për hetimin.
Grabitja e argjendarisë në Kamëz ndodhi në 16 maj, ku persona të maskuar hyrë në ambientet e argjendarisë në pronësi të shtetasit O.L., dhe morën një sasi bizhuterish.
Autorët janë larguar menjëherë pas krimit në drejtim të Zallherrit, duke lëvizur me motor. Sipas detajeve të zbuluara më herët nga policia, shuma e bizhuterive të grabitura, kapte vlerën e 7 milionë lekëve. Gjithashtu pati edhe dëme materiale nga thyerja e xhamave me tytën e automatikut.
Shitësja e argjendarisë tha se nuk u përball me autorët, pasi ndodhej në pjesën e pasme të dyqanit në momentin që ata kishin hyrë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje