.png)
Gazeta Si – Një 23-vjeçar ka mbetur i plagosur me armë zjarri këtë të martë në Mamurras, pasi tentoi të përplasë me makinë punonjësit e policisë gjatë një operacioni për arrestimin e tij.
Sipas njoftimit, i dyshuari është transportuar për në Spitalin e Traumës në Tiranë dhe ndodhet në gjendje shëndetësore stabël.
Policia thotë se bëhej fjalë për Leonard Dema, 23 vjeç, lindur në Mamurras, i dënuar me 7 vjet burgim nga Gjykata e Trentos, për tentativë vrasjeje.
Dema ndodhej në automjet bashkë me një person tjetër, ku tentoi t’i përplasë agjentët e Operacionales, duke iu rrezikuar jetën.
28-vjeçari që shoqëronte Demën, u ka drejtuar efektivëve pistoletën, ndërsa arma është sekuestruar dhe i riu është arrestuar.
“Gjatë operacionit për kapjen e të kërkuarit, në momentin e ndërhyrjes, në një karburant në aksin rrugor “Mamurras–Laç”, 23-vjeçari, që shoqërohej nga shtetasi A. F, dhe lëvizte me automjet, sapo ka konstatuar efektivët, ka tentuar t’i përplasë me automjet, duke u rrezikuar jetën, si dhe personi shoqërues iu ka drejtuar armën e zjarrit pistoletë, shërbimeve të Policisë. Shërbimet e Policisë, në kushtet e vetëmbrojtjes, gjatë ndërhyrjes për neutralizimin e tyre, kanë plagosur shtetasin Leonard Dema, i cili është në kujdesin e mjekëve”, tha policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje