.png)
Gazeta Si – Tetë persona u arrestuan në Sarandë dhe një tjetër u shpall në kërkim, pasi akuzohen për ndërtim të paligjshëm në një plazh.
Autoritetet konstatuan se në një objekt (i përbërë nga disa struktura, një pjesë e tyre në ujë) në një hapësirë plazhi, në lagjen nr. 1, kryheshin punime ndërtimi, të paligjshme.
Gjatë ndërhyrjes, policia arrestoi në flagrancë: K.R., 25 vjeç, E.S., 41 vjeç dhe O.C., 32 vjeç, të tre banues në Sarandë; B.R., 48 vjeç, banues në Delvinë; E.R., 41 vjeç, banues në Lushnjë; O.B., 47 vjeç, banues në Tiranë; E.K., 42 vjeç, banues në Lezhë; Y.D., 33 vjeç, banues në Mat.
Gjithashtu, u identifikua dhe u shpall në kërkim nga policia shtetasja që posedon hapësirën e plazhit, A.B.., për llogari të së cilës dyshohet se kryheshin punimet.
Shërbimet e Policisë, pas kryerjes së veprimeve procedurale, kanë njoftuar shërbimet e IKMT-së, IMT-së dhe Policisë Bashkiake, të cilat aktualisht po vijojnë me prishjen e ndërtimeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje