.png)
Gazeta Si – Irani rifilloi sulmet ndaj vendeve të Gjirit Persik të hënën, për herë të parë që kur një armëpushim me Shtetet e Bashkuara hyri në fuqi më 8 prill.
Këtë pasdite, Ministria e Mbrojtjes e Emirateve, tha se kishte rrëzuar tre raketa të lëshuara nga Irani, ndërsa një e katërta ra në det.
Banorët kishin marrë njoftime në telefonat e tyre atë pasdite duke i paralajmëruar për rrezikun e sulmeve të afërta.
Një dron iranian shkaktoi një zjarr të madh në portin e Fujairah, në Emiratet e Bashkuara Arabe. Tre indianë u plagosën.
Porti i Fujairah është i rëndësishëm sepse ka pamje nga Gjiri i Omanit, duke u lejuar Emirateve të anashkalojnë të paktën pjesërisht bllokadën iraniane të Ngushticës së Hormuzit.
Po ashtu, ka pasur sulme ndaj ndërtesave të banimit në Oman. Dy persona u plagosën dhe disa makina të parkuara u dëmtuan.
Reporteri i “Fox News”, Trey Yingst, tha se foli me Trumpin në telefon për 20 minuta (një kohë mjaft e gjatë për këto biseda, të cilat shpesh zgjasin vetëm disa minuta).
Sipas tij, Trump tha se nëse iranianët përpiqen të sulmojnë anijet amerikane në Ngushticën e Hormuzit të përfshira në “Operacionin Projekti Liria”, ata do të “fshihen nga faqja e dheut”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje