.png)
Nga Gazeta ‘Si’-Zyrtari iranian Araghchi ka deklaruar se procesi i negociatave ka shënuar zhvillime, pavarësisht pengesave që, sipas tij, kanë ardhur nga qasjet dhe kërkesat e Shteteve të Bashkuara.
Gjatë një prononcimi në Shën Petersburg, ku ndodhej për një vizitë dypalëshe, ai theksoi rolin e Pakistanit në ndërmjetësimin e bisedimeve mes Iranit dhe SHBA-ve.
“Pakistani ka luajtur një rol të rëndësishëm në ndërmjetësimin e negociatave së fundmi, ndaj ishte e domosdoshme të diskutonim zhvillimet më të fundit”, u shpreh ai.
Araghchi nënvizoi se, megjithëse është shënuar përparim, raundi i fundit i negociatave nuk arriti objektivat e synuara.
“Sidoqoftë, ka pasur zhvillime në proces, por qasjet e pasakta dhe kërkesat e tepruara të SHBA-ve penguan arritjen e rezultateve”, tha ai.
Ai shtoi se gjatë takimeve janë shqyrtuar zhvillimet e kaluara dhe janë diskutuar kushtet e mundshme për vijimin e negociatave në të ardhmen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje