.png)
Gazeta Si – Ministri i Jashtëm i Iranit, Abass Araghchi, thotë se Ngushtica e Hormuzit është “plotësisht e hapur”.
Ai tha se vendimi u mor pas hyrjes në fuqi të një armëpushimi midis qeverisë libaneze dhe Izraelit. Araghchi tha gjithashtu se ngushtica do të mbetet e hapur “për pjesën e mbetur të armëpushimit”, me sa duket duke iu referuar armëpushimit midis Iranit dhe Shteteve të Bashkuara, i cili aktualisht është planifikuar të skadojë më 22 prill.
In line with the ceasefire in Lebanon, the passage for all commercial vessels through Strait of Hormuz is declared completely open for the remaining period of ceasefire, on the coordinated route as already announced by Ports and Maritime Organisation of the Islamic Rep. of Iran.
— Seyed Abbas Araghchi (@araghchi) April 17, 2026
Aragchi shpjegoi se anijet do të duhet të ndjekin “një rrugë të koordinuar” të vendosur nga Irani. Megjithatë, ai nuk sqaroi nëse Irani do të vazhdojë të ngarkojë taksa për anijet që dëshirojnë të kalojnë tranzit, siç kishte filluar të bënte përpara se Shtetet e Bashkuara të vendosnin gjithashtu të bllokonin ngushticën.
Presidenti Donald Trump falënderoi Iranin për rihapjen e Ngushticës së Hormuzit në një postim të shkurtër me shkronja kapitale në “Truth Social”, ku u ngatërrua edhe me emrin e ngushticës (e quajti atë “Ngushtica e Iranit”): “IRANI SA KA LAJMËRUAR SE NGUSHTICA E IRANIT ËSHTË PLOTËSISHT E HAPUR DHE GATI PËR KALIM TË PLOTË. FALEMINDERIT”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje