.png)
Ekspertët kanë pohuar se autizmi tek fëmijët mund të mbidiagnostikohet, duke shkaktuar potencialisht dëm si për vetë fëmijët ashtu edhe për ata me nevojat më të mëdha.
Studiuesit thonë se sjellje të tilla si vështirësia në mbajtjen e kontaktit me sy ose ‘ecja me gishtërinjtë e këmbëve’- shpesh të menduara si simptoma treguese të autizmit tek fëmijët- nuk tregojnë gjithmonë se një fëmijë ka çrregullimin zhvillimor.
Ata gjithashtu vënë në dyshim mundësinë e konceptit të ‘kamuflazhit’, i njohur edhe si ‘maskim’, në të cilin individët me autizëm pretendojnë se i përshtatin tiparet e tyre për t’u përshtatur në situata sociale.
Ndërhyrja e tyre vjen në sfondin e shifrave që tregojnë se ka një rritje të rasteve.
Ekspertët thonë se shenjat e autizmit tek fëmijët e vegjël mund të përfshijnë shmangien e kontaktit me sy, mosreagimin ndaj emrit të tyre, lëvizjet përsëritëse dhe angazhimin e reduktuar në lojë.
Tek fëmijët më të rritur, kjo mund të shtrihet në rutina të rrepta, interesa intensive dhe vështirësi në komunikimin social.
I botuar në JAMA Pediatrics, ekspertët e hulumtimit kanë vënë në pikëpyetje metodat aktuale të diagnostikimit të çrregullimit, duke pretenduar se gati gjysma e fëmijëve të diagnostikuar nuk i plotësojnë kriteret për autizëm kur rivlerësohen nga specialistët.
Hulumtuesit- Lester Liao, pediatër dhe Eric Fombonne, drejtor i kërkimit të autizmit në Universitetin e Oregon në Portland- thonë se mbidiagnoza mund të ketë ‘pasoja të dëmshme’.
“Mbidiagnoza çon në pakësimin e burimeve. Ka vetëm një numër të caktuar faqesh publike dhe profesionistësh për vlerësimin e autizmit dhe ndërhyrjes terapeutike. Mbidiagnoza i largon burimet nga fëmijët me sfidat më të mëdha”.
Hulumtuesit gjithashtu argumentuan se ‘zgjerimi i termit autizëm’ dhe rritja e diagnozave i lënë ata me sfida më të rënda më në vështirësi për të marrë shërbim.
Në raportin e tyre pretendohet se orari i vëzhgimit diagnostik të autizmit- një seancë loje ose bisede 40-60 minutëshe e përdorur nga eekspetët për të vlerësuar autizmin tek fëmijët- mund të ‘interpretohet gabimisht’.
“Për shembull, kontakti i dobët me sy mund të jetë për shkak të mungesës së vëmendjes ose ankthit social dhe jo për shkak të reciprocitetit të kufizuar social”.
Hulumtuesit thonë gjithashtu se problemet emocionale dhe të sjelljes mund të fryjnë rezultatet në testet e autizmit, edhe kur një fëmijë nuk e ka këtë gjendje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje