.png)
Gazeta Si – Në prag të negociatave në Pakistan, Donald Trump e paralajmëroi Iranin për sulme edhe më intensive nëse nuk arrihet një marrëveshje. “Po i ngarkojmë anijet me municionet dhe armët më të mira të prodhuara ndonjëherë, madje edhe më të mira se ato që përdorëm më parë, të cilat i përdorëm për t’i bërë copë-copë”, tha manjati në një intervistë me “New York Post”.
— Rapid Response 47 (@RapidResponse47) April 10, 2026
Me disa postime kërcënuese në llogarinë e tij në rrjetin social, “Truth”, Trump shkroi se regjimi “nuk e kupton se nuk ka më letra për të luajtur, përveç shantazhit të menjëhershëm ndaj botës” duke mbyllur Ngushticën e Hormuzit: “Arsyeja e vetme pse ata janë ende gjallë është të negociojnë!”
Ndërsa më herët, zv.presidenti amerikan J.D. Vance, e paralajmëroi Iranin të mos “luajë lojëra” me Shtetet e Bashkuara në negociata përpara se të nisej për në Pakistan. “Nëse ata duan të luajnë lojëra, duhet ta dinë se ne nuk do të luajmë lojëra”, tha numri 2 i Shtëpisë së Bardhë.
Ndërkohë, ministri i Jashtëm i Iranit, Abbas Araghchi, deklaroi se Shtetet e Bashkuara të Amerikës duhet të respektojnë angazhimet e tyre për armëpushimin, duke theksuar se marrëveshja duhet të përfshijë edhe Libanin.
Araghchi i bëri këto komente gjatë një bisede telefonike me ambasadorin e emëruar të Iranit në Liban, Mohammad Reza Shibani.
Ai dënoi sulmet e vazhdueshme të Izraelit në Liban, duke theksuar se ato duhet të ndalen në përputhje me mirëkuptimin për armëpushim.
Më herët, edhe kryetari i Parlamentit iranian, Mohammad Bagher Ghalibaf, kishte bërë deklarata të ngjashme, duke theksuar nevojën që armëpushimi të shtrihet edhe në Liban.
Ai shtoi se negociatat e planifikuara me SHBA-në nuk mund të zhvillohen pa u zbatuar më parë një armëpushim i tillë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje