.png)
Nga Gazeta ‘Si’- Rritja e çmimeve të energjisë në tregjet ndërkombëtare ka shtuar interesin dhe shqetësimin mbi kohëzgjatjen e luftës me Iranin, ndërsa ende nuk ka një afat të qartë për përfundimin e saj.
Në një intervistë për median amerikane Newsmax, kryeministri i Izraelit, Benjamin Netanyahu, shmangu dhënien e një afati konkret për arritjen e objektivave ushtarake.
Ai deklaroi se, pas një muaji nga nisja e konfliktit, lufta është “padyshim përtej gjysmës”, por më vonë sqaroi se kjo i referohej progresit të misioneve dhe jo kohës së kaluar.
Sipas tij, gjatë operacioneve janë vrarë “mijëra” anëtarë të Gardës Revolucionare të Iranit. Netanyahu shtoi se Izraeli, në bashkëpunim me Shtetet e Bashkuara, është “afër përfundimit të industrisë së armatimit” të Iranit, duke synuar shkatërrimin e impianteve dhe programit bërthamor.
Kryeministri izraelit theksoi se ndryshimi i regjimit në Iran nuk është objektiv i luftës, por u shpreh i bindur se Republika Islamike mund të “shembet nga brenda”.
Zhvillimet në vijim pritet të kenë ndikim të drejtpërdrejtë edhe në tregjet globale të energjisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje