.png)
Presidenti i SHBA-së, Donald Trump, tha të premten në mbrëmje se Irani është “plotësisht i mposhtur” dhe po lutet për një “marrëveshje”, por ai nuk e dëshiron një të tillë, dy javë pasi shpërtheu lufta.
“Media e lajmeve të rreme e urren të raportojë se sa mirë ka vepruar ushtria amerikane kundër Iranit, i cili është plotësisht i mundur dhe dëshiron një marrëveshje- por jo një marrëveshje që unë do ta pranoja!”, shkroi Trump.
Më herët Trump tha se ushtria amerikane kishte goditur të gjitha objektivat ushtarake iraniane në Ishullin Kharg. Ishulli Kharg është një nga pikat më të rëndësishme të Iranit pasi 90% e eksporteve iraniane të naftës nisen nga ky ishull.
Pas sulmit ndaj forcave ushtarake Trump kërcënoi se radhën e kishte infrastruktura e naftës së ishullit nëse Irani nuk lejonte kalimin e lirë të anijeve në Ngushticën e Hormuzit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje