.png)
Gazeta Si – Ministria turke e Mbrojtjes ka konfirmuar se sistemet e mbrojtjes ajrore të NATO-s në Mesdheun lindor, kanë kapur dhe rrëzuar një raketë iraniane, ndërsa ajo kalonte hapësirën ajrore turke. Sipas mediave turke, nuk është zbuluar ende se ku është rrëzuar raketa, as në çfarë ore ka ndodhur.
Sirenat kishin rënë gjatë natës në një bazë ushtarake të NATO-s në Incirlik, në Turqinë jugore. Ato ishin aktivizuar tashmë në dy raste të tjera që nga fillimi i luftës, dhe në të dyja rastet Turqia tha më vonë se mbrojtja ajrore e NATO-s kishte rrëzuar një raketë të drejtuar ndaj bazës.
Që nga fillimi i luftës, disa vende anëtare të NATO-s, përfshirë Francën dhe Italinë, kanë dërguar anije dhe pajisje ushtarake në Mesdheun Lindor për qëllime mbrojtëse.
Komanda Qendrore e Ushtrisë Amerikane konfirmoi se 4 ushtarë amerikanë humbën jetën në një incident ajror në Irak.
Rreth orës 19:00 (ora shqiptare) më 12 mars, një avion ushtarak furnizimi me karburant KC-135 u rrëzua në Irakun perëndimor.
Në bord ndodheshin gjashtë persona, katër prej të cilëve vdiqën. Ende nuk ka informacion të qartë për dy të tjerët, pasi operacionet e rikuperimit janë duke vazhduar.
Komanda shpjegoi se shkaqet e aksidentit janë ende nën hetim, por zjarri armik dhe ai miqësor, siç është një dështim i sistemeve të mbrojtjes, janë përjashtuar si pista.
Versioni që KC-135 u përplas me një avion të ngjashëm furnizimi me karburant, i cili arriti të bënte një ulje emergjente më pas, nuk është konfirmuar ende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje