Fjalët e para të Mojtabas (që nuk shfaqet): Ngushtica e Hormuzit do vijojë e mbyllur

Gazeta Si – Mojtaba Khamenei, Udhëheqësi i ri Suprem i Iranit, tha në mesazhin e tij të parë për popullin iranian, se Ngushtica e Hormuzit do të mbetet e bllokuar dhe do të përdoret si “levë” në luftë.

Sipas asaj që u raportua nga televizionit shtetëror i Teheranit, Ajatollahu i ri, i cili nuk u shfaq në video, por u dëgjua vetëm përmes një audioje, deklaroi se të gjitha bazat ushtarake amerikane në rajon “duhet të mbyllen dhe se Irani do të vazhdojë t’i sulmojë ato, pavarësisht se i konsideron vendet e Gjirit Persik si mike”.

#BREAKING
🔴Ayatollah Seyyed Mojtaba Khamenei in his first message:

"The Strait of Hormuz must remain closed

American bases in the Middle East must be closed

Iran's other military and regional capabilities will be activated if necessary."

continues…

— IRIB (Islamic Republic of Iran Broadcasting) (@iribnews_irib) March 12, 2026

Ai tha se do të “hakmerret” për iranianët e vrarë dhe përmendi sulmin në shkollën Minab, e cila ka shumë të ngjarë të jetë goditur nga një gabim i ushtrisë amerikane.

Mesazhi nuk duket se tregon se regjimi iranian është i gatshëm të negociojë, siç kishin kërkuar Shtetet e Bashkuara.

Përkundrazi, Khamenei mbajti një qasje agresive dhe shtoi se “nëse është e nevojshme”, mund të hapen “fronte të reja” në luftë.

Mojtaba Khamenei nuk është parë që nga emërimi i tij i dielën e kaluar. Në mesazhin e tij, ai nuk tha asgjë për lëndimin e tij të mundshëm në një bombardim, për të cilin u përfol prej ditësh.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---