.png)
SHBA dhe Izraeli kanë ndërmarrë sulme të përbashkëta në të gjithë Iranin, duke nxitur kundërpërgjigje nga Teherani.
Shpërthime të shumta janë dëgjuar në disa qytete iraniane, përfshirë kryeqytetin, ku raportohet se janë goditur zyra e Udhëheqësit Suprem dhe ajo e presidentit. Forcat Mbrojtëse të Izraelit (IDF) thanë se në Teheran u shënjestruan vende ku ishin mbledhur figura të larta politike dhe të sigurisë.
Presidenti amerikan Donald Trump u tha iranianëve: “Ora e lirisë suaj ka ardhur”, ndërsa pamjet nga Teherani tregonin shtëllunga të mëdha tymi mbi zona të banuara. Ai deklaroi se kanë nisur “operacione të mëdha luftarake” dhe paralajmëroi se “jetët e heronjve të guximshëm amerikanë mund të humbasin”.
Shpërthime të tjera, sirena alarmi dhe kolona tymi janë raportuar në vendet e Gjirit, ndërsa Irani premtoi një “përgjigje shkatërruese”. Katari, Emiratet e Bashkuara Arabe, Kuvajti, Bahreini dhe Jordania thanë se po interceptojnë raketa të lëshuara nga Irani drejt bazave ushtarake amerikane në territorin e tyre.
Agjencia shtetërore iraniane IRNA raportoi se 53 persona janë vrarë pas një sulmi në një shkollë vajzash, ndërsa Emiratet thanë se një civil humbi jetën nga mbetjet që ranë pas një sulmi me raketa balistike iraniane.
Edhe në Izrael vazhdojnë të bien sirenat, ndërsa sistemet mbrojtëse përpiqen të ndalojnë breshëritë e raketave nga Irani.
Sipas burimeve zyrtare izraelite dhe raportimeve të mediave ndërkombëtare, sulmet e koordinuara amerikano-izraelite ndaj Iranit synuan objektiva të lartë rangut politik dhe ushtarak, përfshirë udhëheqësin suprem Ayatollah Ali Khamenei dhe zyrtarë të tjerë të lartë iranianë si Presidenti Masoud Pezeshkian dhe këshilltarë të sigurisë. Këto njoftime bazohen në informacion të përfolur nga burime ushtarake dhe gazetarë, megjithëse nuk ka ende konfirmim zyrtar për fatin ose dëmtimet e këtyre figurave.
Shkalla e dëmeve dhe numri i viktimave në rajon mbetet i paqartë. Një ndërprerje pothuajse totale e internetit në Iran dhe sulmet kibernetike e kanë bërë të vështirë verifikimin e situatës në terren.
Udhëheqës botërorë kanë bërë thirrje për rikthim te zgjidhjet diplomatike, ndërsa një zëdhënës i qeverisë britanike tha se vendi “nuk dëshiron përshkallëzim të mëtejshëm në një konflikt më të gjerë rajonal”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje