Nga Gazeta Si- Pas 3 orësh tensione e përplasje, ka përfunduar protesta e organizuar nga ‘Shqipëria Bëhet’ para kryeministrisë.
Protesta ka nisur me përplasje me policinë që në fillim pasi policia u përplas fizikisht me protestuesit pasi tentoi t’u heqë gjeneratorin, foninë dhe podiumin.
Policia e Tiranës ka shoqëruar 4 aktivistë pas protestës, si edhe janë sekuestruar dy makina me pajisjet teknike, gjenerator dhe foni.
Adriatik Lapaj dhe mbështetësit e tij protestuan për të 12-ën ditë radhazi para kryeministrisë.
Gjatë fjalës së tij, Lapaj i dërgoi një mesazh kryeministrit Edi Rama, duke deklaruar se çdo nismë kundër tij është konflikt i drejtpërdrejtë me familjen Lapaj.
Lapaj ftoj qytetarët të bashkohen në mënyrë që Rama të dorëhiqet.
“Premtimet që dha, Rama gënjeu dhe nuk i mbajti! Është koha që brezi i ri të bashkohet. Është koha e së mirës kundër së keqes. Nuk trembem nga procedimet penale”, tha Lapaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
