Tajvani, Kina përshpejton përgatitjet ushtarake kundër ‘ndërhyrjeve të huaja’

Gazeta Si – Presidenti i Tajvanit, William Lai, thotë se Kina po “përshpejton përgatitjet ushtarake” me qëllim marrjen e kontrollit të ishullit me forcë.

Në një konferencë për shtyp, Lai shpjegoi se forcat e armatosura të Tajpeit synojnë të “arrijnë një nivel të lartë gatishmërie” për një operacion të mundshëm ushtarak kinez deri në vitin 2027, 100-vjetori i Ushtrisë Çlirimtare Popullore të Forcave të Armatosura të Pekinit.

Lai shtoi se administrata tajvaneze do të vazhdojë përpjekjet e saj për të kundërshtuar çdo përpjekje për “shtypje” dhe për të arritur një “nivel të lartë gatishmërie luftarake” brenda dy viteve të ardhshme.

“Kërcënimet e Kinës ndaj Tajvanit dhe rajonit Indo-Paqësor po intensifikohen”, tha Lai. “Kohët e fundit, lloje të ndryshme ndërhyrjesh ushtarake, zona gri detare dhe fushata dezinformimi, kanë ndodhur në Japoni, Filipine dhe Ngushticën e Tajvanit, duke shkaktuar shqetësim dhe ankth të thellë në të gjitha pjesët e rajonit”, shtoi ai.

“Tajvani, si pjesa më e rëndësishme dhe kritike e zinxhirit të parë të ishujve, duhet të demonstrojë vendosmërinë tonë dhe të marrë përsipër përgjegjësi më të mëdha për vetëmbrojtje”, tha ai, duke iu referuar zinxhirit të ishujve që shtrihet nga ishujt japonezë në Detin e Kinës Lindore deri në Filipine në Oqeanin Paqësor.

Lai, deklaroi gjithashtu se qeveria e tij do të përqendrohet në gjetjen e mënyrave për të rritur mbrojtjen e saj kundër “luftës psikologjike” të Pekinit, ndërsa Kina po përpiqet të “dobësojë unitetin tonë”.

Ai tha se qeveria do të monitorojë dhe do të rrisë ndërgjegjësimin publik për përpjekjet e Kinës për të ndërhyrë gjatë ngjarjeve dhe zgjedhjeve të mëdha.

Ndëerkohë, Kina ka thënë se është gati të “shtypë çdo ndërhyrje të huaj” në çështjet që lidhen me Tajvanin, pasi Japonia njoftoi qëllimin e saj për të vendosur raketa në ishullin fqinj Yonaguni.

“Ne kemi vullnet të fortë, vendosmëri të fortë dhe aftësi të forta për të mbrojtur sovranitetin dhe integritetin tonë kombëtar”, tha Peng Qingen, zëdhënës i Zyrës së Çështjeve Kinë-Tajvan, gjatë një konference të rregullt për shtyp në Pekin.

“Vendosja e armëve sulmuese nga Japonia në zonat ngjitur me rajonin e Tajvanit të Kinës është jashtëzakonisht e rrezikshme, pasi krijon qëllimisht tensione rajonale dhe provokon një konfrontim ushtarak”, tha zëdhënësi.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.