.png)
Nga Gazeta ‘Si’- Presidenti i Shteteve të Bashkuara të Amerikës, Donald Trump, shtyu samitin e Rusisë dhe SHBA-së në Budapest për shkak të “disa raporteve të prapaskenave.”
Kështu tha Ministri i Punëve të Jashtme i Rusisë, Sergey Lavrov, në një tekst autorial të botuar në faqen e internetit të Ministrisë së Punëve të Jashtme.
Gazeta italiane Corriere della Sera zhvilloi një intervistë me Lavrovin, por thuhet se ai refuzoi t’i publikonte përgjigjet e plota, duke kërkuar shkurtim dhe censurë. Prandaj, Ministria e Punëve të Jashtme ruse publikoi versionin e plotë të transkriptit të bisedës.
Ku dhe nga kush erdhën ato raporte të fshehta që iu dorëzuan udhëheqësit amerikan, pas të cilave ai ose e shtyu ose e anuloi samitin e Budapestit?
Nuk e di – theksoi Lavrov.
Ai konfirmoi se Moska është ende gati të mbajë samitin në Hungari, me kusht që përgatitjet të bazohen në rezultatet e bisedimeve të mëparshme dhe që axhenda të jetë “e detajuar dhe e përpunuar seriozisht”.
Presidentët e Rusisë dhe SHBA-së, Vladimir Putin dhe Donald Trump, zhvilluan bisedën e tyre të tetë telefonike që nga fillimi i vitit më 16 tetor.
Pas asaj bisede, Moska dhe Uashingtoni filluan përgatitjet për mbajtjen e një samiti në Budapest, i cili supozohej të ishte hapi tjetër në dialogun diplomatik midis dy vendeve.
Megjithatë, pak më vonë, Trump njoftoi vendimin për anulimin e takimit, ndërsa Putin deklaroi se ishte më tepër një shtyrje e takimit sesa një anulim përfundimtar.
Si Kremlini ashtu edhe Shtëpia e Bardhë e kanë lënë të hapur mundësinë që udhëheqësit e të dy vendeve të takohen në të ardhmen, nëse kushtet janë të përshtatshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
