.png)
Nga Gazeta Si – Jannik Sinner fitoi për herë të parë “Paris Masters”, pasi mundi në dy sete Felix Auger-Aliassime 6-4, 7-6 (7/4) në Finalen e të dielës.
Ky është trofeu i parë i 24-vjeçarit italian në Paris, dhe me eliminimin e hershëm të Carlos Alcaraz, Sinner u kthye sot në majën e “ATP Rankings” si numri 1.
Sinner qëndroi si numri 1 në Botë për 65 javë deri në humbjen e Finales së “US Open” ndaj Alcaraz, në Shtator.
Megjithëse mungoi për 3 muaj në fillim të këtij viti kalendarik, pas dy testeve pozitive për gjurmë të “clostebol”, Sinner fitoi 5 tituj — përfshi “Australian Open” dhe “Wimbledon”.
Fitorja e së dielës ishte titulli i parë “Masters 1000” që nga Shanghai, Tetorin e kaluar.
Për kanadezin Felix Auger-Aliassime, i renditur i 9, humbja në Finalen e kryeqytetit francez i mohoi një biletë automatike në “ATP Finals” që zhvillohen më vonë këtë muaj.
Megjithatë, performanca në Paris e ka ngjitur përpara italianit Lorenzo Musetti në garën për vendin e mbetur vakant drejt Torinos, duke e bërë favorit për pjesëmarrjen në turneun e fundit të sezonit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
