.png)
Nga Gazeta Si – Pas skandalit në NBA edhe basketbolli evropian përfshihet nga hetimit për trukime dhe grup criminal.
Gjyqtari serb në “EuroLeague” dhe “AdmiralBet ABA League” në Serbi, Urosh Nikoliç, u arrestua një ditë më parë pasi policia lokale gjeti 250 mijë euro në apartamentin e tij.
Pas lajmit në Televizionin Shtetëror Serb (RTS), “Euroleague” doli me deklaratë zyrtare, duke njoftuar pezullimin e gjyqtarit.
Arrestimi i Nikoliç lidhet me një operacion ndërkombëtar policor, në kuadër të dyshimeve për përfshirje në një grup kriminal të organizuar.
Në total, dhjetë persona u arrestuan në Serbi, të dyshuar për krime të rënda, përfshirë vrasje dhe prishje të rendit publik.
39 vjeçari Nikoliç, është gjyqtar i “EuroLeague” që nga viti 2019, me një karrierë të suksesshme që përfshin pjesëmarrje në “Final Four” gjatë sezoneve 2020–21 dhe 2023–24 në “Turkish Airlines EuroLeague”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
