.png)
Nga Gazeta ‘Si’- Izraeli ka njoftuar se do të rihapë pikën kufitare në Rafah mes Egjiptit dhe Rripit të Gazës me qëllim lejimin e ndihmës humanitare për palestinezët.
Të paktën 600 kamionë me ndihma do të hyjnë në Rripin e Gazës.
Rihapja e pikës kufitare Rafah, e cila u vendos “në nivel politik”, vjen pasi Hamasi dorëzoi katër trupa të tjerë pengjesh si pjesë e marrëveshjes së armëpushimit të pranuar si nga organizata palestineze ashtu edhe nga Izraeli.
Plani i armëpushimit i Presidentit të SHBA-së, Donald Trump, të cilin e pranuan si Izraeli ashtu edhe Hamasi, parashikonte që dorëzimi i të 48 pengjeve do të përfundonte deri në mesditën e së hënës. Ministri i Mbrojtjes i Izraelit e ka paralajmëruar grupin e armatosur palestinez se “çdo vonesë ose shmangie e qëllimshme do të konsiderohet një shkelje e rëndë e marrëveshjes dhe do të marrë përgjigje përkatëse”.
Marrëveshja për fazën e parë u nënshkrua më 13 tetor në Sharm el-Sheikh, dhe përfshiu tërheqjen e pjesshme të ushtrisë izraelite (e cila mban kontrollin e 53% të Rripit), kthimin e pengjeve dhe lirimin e 1,968 të burgosurve palestinezë.
Por tashmë po ushtrohet presion ndaj Hamasit për çmilitarizimin e tij. Sipas medias amerikane Axios, lëvizja ka shprehur gatishmërinë për t’i dorëzuar armët e rënda, kryesisht raketa, një entiteti palestinez ose arab, por por ka këmbëngulur në mbajtjen e armëve të tjera për vetëmbrojtje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
