.png)
Nga Gazeta ‘Si’- 7 tetori 2023 e zuri Izraelin në befasi.
Atë ditë, luftëtarët e Hamasit dhe milicitë e tjera terroriste kaluan kufirin e fortifikuar të Gazës dhe nisën një sulm në Izrael, duke vrarë gati 1.200 njerëz dhe duke marrë peng 251 në territorin e vogël palestinez. Përvoja e një cenueshmërie të tillë çoi në një traumë që ndihet ende në Izrael sot.
Më 8 tetor 2023, qeveria e Izraelit nisi një sulm ndaj Gazës dhe dy vitet që nga ajo kohë kanë qenë të tmerrshme për palestinezët në enklavë.
Operacionet e Forcave Mbrojtëse të Izraelit (IDF) kanë vrarë të paktën 66.000 njerëz – rreth 80% e tyre civilë – dhe kanë plagosur rreth 169.000 të tjerë, sipas vlerësimeve konservatore nga Ministria e Shëndetësisë e Gazës e drejtuar nga Hamasi. Agjencitë ndërkombëtare besojnë se numri i vërtetë i të vdekurve është shumë më i lartë.
Delegacionet nga Izraeli dhe Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – kanë nisur negociatat indirekte në Egjipt më 6 tetor 2025, të cilat SHBA-ja shpreson se do të sjellin në ndaljen e luftës në Gazë.
Izraeli dhe Hamasi kanë pranuar parimet kryesore të planit të presidentit amerikan, Donald Trump, që synon ndaljen e luftës. Plani parasheh lirimin e pengjeve dhe dërgimin e ndihmave në Gazë.
Plani po ashtu mbështetet nga shtetet myslimane dhe perëndimore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
