.png)
Nga Gazeta Si – I frymëzuar nga prania elektrizuese e Andre Agassit në vijën e fushës, Taylor Fritz ruajti qetësinë për të mposhtur Alexander Zverev dhe për të vulosur fitoren 15-9 të “Team World” ndaj “Team Europe” në “Laver Cup 2025”.
“Team World” udhëhiqte 12-9 përpara duelit të parafundit mes amerikanit dhe gjermanit.
Me tre pikë për fitoren, numri tre i botës Zverev kishte mundësinë të barazonte rezultatin, por tenisti i pestë në renditjen botërore, Fritz, fitoi 6-3 7-6 (7-4) në sfidën e luajtur në San Francisko.
Ai u shpreh se atmosfera e skuadrës dhe mbështetja e kapitenit dhe bashkëkombasit të tij, Agassi, e kishin frymëzuar për të arritur këtë fitore vendimtare.
Ky sukses i dha “Team World” fitoren e 3 në 8 edicionet e “Laver Cup”, pas atyre të arritura në vitet 2022 dhe 2023.
Më herët, “Team Europe” kishte ngushtuar diferencën në 9-6 kur spanjolli Carlos Alcaraz dhe norvegjezi Casper Ruud siguruan një fitore 7-6 (7-4) 6-1 në konkurimin çift ndaj amerikanëve Alex Michelsen dhe Reilly Opelka.
Australiani Alex de Minaur riktheu epërsinë prej gjashtë pikësh për “Team World” me një fitore 6-3 6-4 ndaj çekut Jakub Mensik.
Ndërsa Alcaraz mbajti gjallë shpresat e europianëve me një fitore të thellë 6-2 6-1 kundër argjentinasit Francisco Cerundolo, përpara se Fritz të vuloste triumfin e amerikanëve ndaj një ekipi europian të drejtuar nga francezi Yannick Noah.
Edicioni i ardhshëm i Laver Cup do të zhvillohet nga 25 deri më 27 Shtatorin e ardhshëm në “O2 Arena” në Londër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
