.png)
Gazeta Si – Dy shpërthime ndodhën të martën në mbrëmje në qendër të Oslos, kryeqytetin norvegjez, duke shkaktuar disa dëme në ndërtesa, por pa të lënduar.
Policia beson se u përdorën granata dore: njëra shpërtheu menjëherë, ndërsa tjetra u shpërthye në mënyrë të kontrolluar nga policia disa orë më vonë.
Tre të mitur, përfshirë dy 13-vjeçarë, u arrestuan me dyshimin për përfshirje në ngjarje.
Policia nuk e ka përjashtuar mundësinë e përfshirjes së personave të tjerë dhe ka deklaruar se beson që ngjarja është e lidhur me një mosmarrëveshje midis grupeve kriminale, pa dhënë detaje të mëtejshme.
Në vitet e fundit, grupet e krimit të organizuar janë rritur ndjeshëm në vendet nordike, shpesh duke rekrutuar njerëz shumë të rinj dhe duke i ngarkuar ata me kryerjen e akteve të dhunshme.
Shpërthimet ndodhën në një zonë shumë të frekuentuar, brenda disa qindra metrash nga pallati mbretëror, lagjja e ambasadave, universiteti dhe një stadiumi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
