.png)
Gazeta Si – Një pjesë e flotiljes humanitare “Global Sumud”, në rrugë drejt Gazës, u sulmua me dronë në ujërat ndërkombëtare pranë Kretës (Greqi). Organizatorët flasin për dëme të konsiderueshme në disa anije, ndërsa deri tani nuk raportohet asnjë viktimë.
Organizatorët e “Global Sumud” denoncuan sulmin duke deklaruar se mbi flotilje pati shpërthime, valë të dendura dronësh dhe se komunikimi u pengua. Ata akuzuan drejtpërdrejt forcat izraelite për këto veprime.
Në postimet e tyre, aktivistët raportuan se ndaj anijeve u përdorën bomba ndriçuese, eksplozivë dhe madje edhe substanca të dyshuara kimike.
Përmes një apeli publik, flotilja kërkoi një kalim të sigurt drejt Gazës dhe theksoi se pavarësisht sulmeve, misioni humanitar për dërgimin e ndihmave nuk do të ndalet.
Siç pretendojnë organizatorët, Izraeli ka deklaruar se nuk do të lejojë anijet të arrijnë në bregdetin e Gazës dhe i ka propozuar flotiljes të dorëzojë ngarkesën në portin e Ashkelon, ku forcat izraelite do ta dorëzojnë më pas te ndihmat.
Edhe kur u ndalua në Tunizi, u dyshua për sulme me dronë ndaj flotiljes. Të martën, Ministria e Jashtme izraelite e bëri të qartë se nuk do t’i lejonte anijet të thyenin bllokadën detare: u kërkoi pjesëmarrësve të ankoroheshin në portin izraelit të Ashkelonit dhe të shkarkonin ndihmën atje, duke thënë se më pas do të transferohej në Rripin e Gazës.
Izraeli kontrollon të gjithë kufijtë e Rripit dhe, gjatë luftës, ka krijuar një sistem shpërndarjeje ushqimesh që përdor urinë si armë kundër popullsisë palestineze dhe krijon kushtet për masakra të vazhdueshme.
Organizatorët refuzuan të ankoroheshin në portin izraelit, duke tërhequr kritika të mëtejshme nga qeveria izraelite.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
