.png)
Gazeta Si – Në deklaratat e saj të para që nga vdekja e burrit të saj, gruaja e Charlie Kirk, Erika Kirk, tha se lëvizja e ndërtuar nga aktivisti konservator “nuk do të vdesë”.
“Nëse mendonit se misioni i burrit tim ishte i fuqishëm më parë, nuk keni idenë se çfarë i keni bërë të gjithë vendit…”, tha ajo në një fjalim publik të transmetuar drejtpërdrejt.
“Nuk keni idenë se çfarë zjarri keni ndezur tek kjo grua. Britmat e kësaj vejushe do të jehojnë në të gjithë botën si një britmë bashkimi”, shtoi ajo.
“Charlie, të premtoj se nuk do ta lejoj kurrë trashëgiminë tënde të vdesë, zemër”, deklaroi ajo.
“Të premtoj se do ta bëj ‘Turning Point USA’ (organizatën politike të themeluar nga Kirk) gjënë më të madhe që ky komb ka parë ndonjëherë”.
Turneu i planifikuar i Charlie Kirk në kampuset e kolegjeve, “The American Comeback Tour”, do të vazhdojë pas vrasjes së tij, njoftoi Erika Kirk.
“Do të ketë më shumë turne në vitet që vijnë”, theksoi ajo. “Americafest”, konferenca vjetore e “Turning Point USA”, do të mbahet ende në Phoenix, Arizona, në dhjetor. “Do të jetë më e madhe se kurrë”, shtoi e veja e tij.
“Shfaqja radiofonike dhe podkasti për të cilin Charlie ishte kaq krenar, do të jetojnë” dhe “në një botë të mbushur me kaos, dyshime dhe pasiguri, zëri i burrit tim do të mbetet dhe do të jehojë më i fortë dhe më i qartë se kurrë dhe mençuria e tij do të qëndrojë”.
Erika Kirk më pas falënderoi zëvendëspresidentin J.D. Vance, gruan e tij, Usha, dhe presidentin Trump për miqësinë e tyre me burrin e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
