.png)
Nga Gazeta “SI”– Në hapjen e dokumentit testamentar të Pippo Baudos ishin të pranishëm dy fëmijët e tij, Tiziana dhe Alessandro, si dhe sekretarja e tij historike, Dina Minna, njofton gazeta Il Messaggero.
Dina Minna, 54 vjeçe, që e ka shoqëruar Baudon që nga vitet ’80, ka përfituar një pjesë të trashëgimisë pothuajse të barabartë me dy fëmijët e prezantuesit. Ky vlerësim është një njohje për rolin e saj të jashtëzakonshëm në jetën e tij. Ajo u rrit nga asistente e thjeshtë në një pjesë të familjes, duke u kujdesur për Baudon deri në ditët e fundit dhe duke ndjekur nga afër edhe ceremonitë mortore.
Pasuria totale e Baudos vlerësohet rreth 10 milionë euro. Përveç të ardhurave nga televizioni, ku përfshihen edhe 13 edicione të Festivalit të Sanremos që ai drejtoi, testamentin e pasurojnë të drejtat e imazhit, kontrata publicitare, aktivitete sipërmarrëse në Sicili dhe një numër pronash të paluajtshme në Romë, Fiano Romano, Noto dhe Sirakuzë, me një vlerë prej rreth 5 milionë eurosh.
Nuk përjashtohet mundësia që Baudo të ketë parashikuar edhe donacione të tjera ose pjesë të pasurisë për nisma bamirësie, duke respektuar gjenerozitetin dhe diskrecionin që e karakterizuan gjatë gjithë jetës së tij.
Pippo Baudo ishte një nga figurat më të shquara të televizionit italian, duke lënë pas një karrierë më shumë se 60-vjeçare dhe duke u bërë simbol i përjetshëm i kulturës dhe argëtimit italian. Ai njihet si prezantuesi me më shumë edicione të Festivalit të Sanremos dhe si zbulues i shumë talenteve të reja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
