.png)
Gazeta Si – Ministri i Jashtëm belg, Maxime Prévot, njoftoi se vendi do ta njohë shtetin e Palestinës në takimin e ardhshëm të Asamblesë së Përgjithshme të Kombeve të Bashkuara, të planifikuar për 9-23 shtator.
Belgjika do t’u bashkohet disa vendeve të tjera që do ta njohin Palestinën si shtet sovran në atë kohë: Franca, Mbretëria e Bashkuar, Kanadaja dhe Portugalia e njoftuan këtë në korrik, në një përpjekje për të ushtruar presion mbi Izraelin për të arritur një armëpushim në Rripin e Gazës.
Palestina njihet aktualisht nga 147 nga 193 shtetet anëtare të OKB-së: pothuajse të gjitha vendet në Azi, Afrikë, Evropën Lindore dhe Amerikën Latine, por shumë pak vende perëndimore.
Disa nga ato që e njohin aktualisht, si Spanja, vendosën ta bëjnë këtë në dy vitet e fundit, pas shpërthimit të luftës në Rripin e Gazës.
Italia nuk e njeh shtetin palestinez: Kryeministrja Giorgia Meloni tha së fundmi se sipas mendimit të saj “se nuk është koha e duhur” për të lëvizur në këtë drejtim.
Megjithatë, Italia mban një zyrë konsullore në Jerusalem që “menaxhon marrëdhëniet e qeverisë italiane me autoritetet palestineze”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
