.png)
Nga Gazeta ‘Si’- Presidenti i Serbisë, Aleksandër Vuçiç, ka mbërritur në Kinë për të marrë pjesë në atë që është quajtur si “parada e diktatorëve”.
Atij iu rezervua një pritje e ngrohtë në aeroport.
Më herët, presidenti serb konfirmoi se po nisej për një udhëtim 5-ditor.
Gjatë qëndrimit në Kinë, Vuçiç do të takohet me presidentin e vendit, Shi Xhinpin, gjithashtu edhe me liderin e Rusisë, Vladimir Putin. Mes temave që do të diskutojë me udhëheqësit që shpallën rendin e ri botëror, është edhe çështja e Kosovës.
Moska dhe Pekini i kanë dhënë mbështetje të plotë Beogradit, ndërsa janë zotuar që të mos njohin pavarësinë e Kosovës. Vuçiç do të diskutojë me Putin dhe Shi Xhinpin edhe për thellimin e mardhënieve dhe rritjen e shkëmbimeve tregtare.
Serbia shpreson që të marrë investime të reja nga Kina, ndërsa me Rusinë kërkon që të ruajë furnizimin me gaz.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
