.png)
Nga Gazeta ‘Si’– Shtëpia e Bardhë po planifikon një takim të mundshëm trepalësh midis Volodymyr Zelensky, Vladimir Putin dhe Donald Trump në Budapest, raporton Politico, duke cituar burime, se Shërbimi Sekret po përgatitet për samitin në Hungari.
Më herët janë diskutuar edhe vende të tjera. Fillimisht ishte Stambolli, me presidentin turk Erdogan që pranoi ta presë këtë samit historik.
Më pas u lakua Vatikani dhe Roma, por kjo pistë u zbeh. Ditën e sotme ishte Zvicra e gatshme të priste takimin trepalësh, me përfaqësuesit e këtij shteti që deklaronin se nuk ka rrezik për arrestimin e Putin.
Dhe tashmë përmendet Budapesti.
Kryemistri i Hungarisë, Orban, ka deklaruar që në krye të herës që nuk i njeh vendimet e gjykatës së Hagës dhe kjo është arsyeja pse takimi i shumëpërfolur mund të zhvillohet pa problem.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
